《我們的處女航》
都話我嘅人妻生活充滿突如其來的事情，剛剛放完為期三星期嘅暑假，返到非洲唔夠一星期，又突然被通知原來今年埃及嘅8月宰牲節，地盤都有幸可連放3天假。真係唔好問我點解公司俾員工放幾日假都只係兩日前通知，比起以前喺香港返工公司一早出哂memo點放幾時放……冇得比，只能講句「人在江湖，假不由己」。兩公婆都慣了煮到埋嚟就食，所以極速買機票(咁啱又儲夠里數~補少少錢~嘻嘻)拔足狂奔兜一轉意大利！
略略講吓故，根據可蘭經記載，先知Ibrahim通過主的考驗，準備將自己兒子殺死奉獻之際，天使及時送來一隻黑羊代替其兒子作奉獻。聖經嘅版本就略有不同。自此有了宰牲節去紀念先知忠實執行命令一事。
啲同事話佢哋會買牛🐂啊，羊🐑啊，駱駝🐫啊咁，買完最重要唔係淨係自己食，而係分享俾親戚朋友同啲窮人。駱駝肉呢，就多謝先喇😅近排唔否認日日睇睇埋埋香港發生嘅咁多驚心動魄事情，心情低落之餘，亦間接冷落咗意佬。做人老婆唔點可以咁自私嫁？於是決定陪意佬去吹吹風出發去Umbria遊下電單車河，住返一晚咁😊
今次係我同意佬坐兩個轆嘅處女航🏍(唔計即日來回)，連我自己都難以置信，由幾年前出親門好似要成個廁所拖出街咁，到後來23吋喼遊走兩埠，依家進(退)化到連妝都賴得化😅所以化妝品都唔帶，每人攞個 20Litre 嘅排球袋就起程。唔知遲啲會唔會簡化到袋條底橫喺褲袋就撻匙出發呢？😆
#出走埃及記2 #宰牲節
#駱駝肉真係食得嘅咩？😰
#有得走梗係走啦
#意大利遊山玩水
#想和你去兜兜風
#簡約出門一身輕
#我籮柚有少少痛
Search